admin
ରାୟଗଡ଼ା ତା ୧୨/୦୧ ଚଳିତ ମାସ ଗତ ୮ ଓ ୯ ତାରିଖରେ ଯାଦବ ମହାସଭା ତରଫରୁ ମଧ୍ୟପ୍ରଦେଶ ର ଇନ୍ଦୋର ଠାରେ ଆୟୋଜିତ ହୋଇଥିଲା ଜାତୀୟ କାର୍ଯ୍ୟକାରିଣୀ ବୈଠକ। ଉକ୍ତ କାର୍ଯ୍ୟକ୍ରମରେ ଓଡ଼ିଶାରୁ ଜାତୀୟ ଯାଦବ ମହାସଭା ର ଯୁବ ସଭାପତି ପ୍ରଦୀପ ବେହେରା, ରାଜ୍ୟ ସଭାପତି ଅମର ନାୟକ, ଓ ରାୟଗଡାର ଯୁବକ ତଥା ରାଜ୍ୟ ସମ୍ପାଦକ ଅମିତ କୁମାର ନାୟକ ଯୋଗ ଦେଇଥିଲେ। ଉକ୍ତ ଦୁଇଦିନିଆ କାର୍ଯ୍ୟକ୍ରମରେ ଯାଦବ କୁଳର ବିକାଶ ତଥା ରେଜାଙ୍ଗଲା ଅହିର ରେଜିମେଣ୍ଟ ର ପୁନଃ ଉତ୍ଥାନ ନିମନ୍ତେ ଆଲୋଚନା ହୋଇଥିବା ରାଜ୍ୟ ଯାଦବ ମହାସଂଘ ସଂପାଦକ ଅମିତ ନାୟକ ପ୍ରକାଶ କରିଥିଲେ । ଏହା ସହ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ମୋହନ ଯାଦବଙ୍କ ଭଉଣୀ ତଥା ଉଜ୍ଜେନ ନଗର ପାଳିକାର ବାଚସ୍ପତି କଳାବତି ଯାଦବଙ୍କୁ ତାଙ୍କ ବାସଭବନରେ ଭେଟିଥିଲେ । ଶ୍ରୀମତୀ ଯାଦବ ଓଡ଼ିଶାର ଏହି ଟିମକୁ ସମ୍ବର୍ଦ୍ଧନା କରିବା ସହ ଯାଦବ କୁଳ କିଭଳି ବିକାଶମୁଖି ହେବେ ଓ ସାଧାରଣ ସ୍ରୋତରେ ସାମିଲ ହେବେ ସେ ନେଇ ଆଲୋଚନା କରିଥିଲେ ।
ଏହାସହ ସରକାରଙ୍କ ପ୍ରତିଟି ଯୋଜନାରେ ସାମିଲ ହୋଇ ପାରିବେ ଓ ଉତ୍କଳ ଯାଦବ ମହାସଂଘ ର ଦାୟିତ୍ଵ ରହିବ ସେ ନେଇ କିଛି ଉପଦେଶ ଦେବା ସହ ସର୍ବଦା ଏଥିପ୍ରତି ତାଙ୍କର ସହଯୋଗ ରହିବା ବୋଲି ଆଶ୍ଵାସନା ଦେଇଥିଲେ । ଯାହାକି ଆଗାମୀ ଦିନରେ ରାଜ୍ୟରେ ଯାଦବ ମହାସଂଘ ର ବିଭିନ୍ନ ଯୁକ୍ତାତ୍ମକ ପଦକ୍ଷେପ ଗ୍ରହଣ କରିବା ସହ ଯାଦବ କୁଳ ନିଶ୍ଚିତ ଭାବରେ ବିକାଶର ପଥରେ ଅଗ୍ରସର ହେବ ବୋଲି ଉତ୍କଳ ଯାଦବ ମହାସଭାର ରାଜ୍ୟ ସମ୍ପାଦକ ଶ୍ରୀ ନାୟକ କହିଛନ୍ତି ।
