admin
ରାୟଗଡ଼ା, : ମହିଳାଙ୍କୁ ସୁରକ୍ଷା ଦେବାରେ ବିଜେପି ସରକାର ବିଫଳ ହୋଇଛି। ଦେଶରେ ପଞ୍ଚାୟତରାଜ ବ୍ୟବସ୍ଥାରେ ମହିଳାଙ୍କୁ ୩୩ ପ୍ରତିଶତ ସଂରକ୍ଷଣ ଦେଇପାରି ନାହାନ୍ତି ସରକାର। ୨୦୨୩ ମସିହାରେ ମହିଳାଙ୍କ ସଂରକ୍ଷଣ ପାଇଁ ବିଲ୍ ପାସ୍ ହୋଇଥିଲେ ହେଁ ତାକୁ କାର୍ଯ୍ୟକାରୀ କରିବାରେ ସଫଳ ହୋଇନାହାନ୍ତି। ରାୟଗଡ଼ାଠାରେ ଆୟୋଜିତ ଏକ ସାମ୍ବାଦିକ ସମ୍ମିଳନୀରେ ଉଭୟ କେନ୍ଦ୍ର ଓ ରାଜ୍ୟ ସରକାର ବିରୋଧରେ ବର୍ଷି ଏଭଳି କହିଛନ୍ତି ମହିଳା କଂଗ୍ରେସ ସଭାନେତ୍ରୀ ମୀନାକ୍ଷୀ ବାହିନୀପତି ।
ସେ ଆହୁରି କହି ଛନ୍ତି, ଦେଶରେ ମହିଳାଙ୍କୁ ସରକାର ସୁରକ୍ଷା ଦେବାରେ ବିଫଳ ହୋଇ ଏବେବିରୋଧୀ ମୁଣ୍ଡରେ ଅଠା ବୋଳିବାକୁ ଉଦ୍ୟମ କରୁଛନ୍ତି। ପ୍ରଥମେ ସୀମା ନିର୍ଦ୍ଧାରଣ ଓ ପରେ ଜନଗଣନା ହେବା କଥା। କିନ୍ତୁ ସରକାର ନିଜ ସ୍ବାର୍ଥ କୁ ସବୁ ବେଳେ ଗୁରୁତ୍ବ ଦେଉଛନ୍ତି। ଏହି ବାର୍ଭାକୁ କଂଗ୍ରେସ ଦଳ ଘରେ ଘରେ ପହଞ୍ଚାଇବା ପାଇଁ ଉଦ୍ୟମ କରିବ। ସାମ୍ବାଦିକ ସମ୍ମିଳନୀରେ ଅନ୍ୟମାନଙ୍କ ମଧ୍ୟରେ ରାୟଗଡ଼ା ବିଧାୟକ ଆପାଲାସ୍ଵାମୀ କାଡ୍ରାକା, ପ୍ରଦେଶ ମହିଳା କଂଗ୍ରେସ ଉପସଭାନେତ୍ରୀ ରତ୍ନମଣୀ ଉଲ୍ଲାକା, ପିସିସି ସମ୍ପାଦକ ଦୁର୍ଗାପ୍ରସାଦ ପଣ୍ଡା ଓ ଭୁକାଲି ସେଠୀଙ୍କ ସମେତ ଅନ୍ୟ ବରିଷ୍ଠ ନେତାମାନେ ଉପସ୍ଥିତ ଥିଲେ ।
