admin
କାଶୀପୁର – ନୂଆସାହିର ମାଟି ଆଜି କେବଳ ଖେଳ ଦେଖିଲା ନୁହେଁ,ଦେଖିଲା ଯୁବ ସ୍ୱପ୍ନର ଉଡାଣ,ଦେଖିଲା ଏକତା, ଉତ୍ସାହ ଓ ଆଶାର ଅପୂର୍ବ ସମନ୍ୱୟ।କଂସାରିଗୁଡ଼ାସ୍ଥିତ ଆଦିତ୍ୟ ଆଲୁମିନା ରିଫାଇନେରୀଙ୍କ ସକ୍ରିୟ ସହଯୋଗରେ ନୂଆସାହିରେ ଆୟୋଜିତ ଜିଲ୍ଲାସ୍ତରୀୟ ଯୁବ ଭଲିବଲ୍ ଟୁର୍ଣ୍ଣାମେଣ୍ଟ ଯୁବମାନଙ୍କ ମନରେ ନୂଆ ଉଦ୍ଦୀପନା ସୃଷ୍ଟି କରିଥିଲା। ଅଞ୍ଚଳର ୧୬ଟି ଦଳର ଦମଦାର ଅଂଶଗ୍ରହଣ ଖେଳମାଟିକୁ ଉତ୍ସବମୟ କରିଦେଇଥିଲା।ଖେଳର ପ୍ରତ୍ୟେକ ସ୍ପାଇକ୍, ପ୍ରତ୍ୟେକ ସର୍ଭ ଓ ପ୍ରତ୍ୟେକ ଜୟଧ୍ୱନି ସହିତ ଯୁବମାନଙ୍କ ମନରେ ଶିଂଶ୍ଳଧାରା, ଶୃଙ୍ଖଳା ଓ ଦଳୀୟ ମନୋଭାବର ଦୀପ ଜଳିଉଠୁଥିଲା।ଟୁର୍ଣ୍ଣାମେଣ୍ଟର ଉଦଘାଟନ କରି ଆଦିତ୍ୟ ଆଲୁମିନା ରିଫାଇନେରୀର ୟୁନିଟ୍ ହେଡ୍ ଏବଂ ପ୍ରେସିଡେଣ୍ଟ ଶ୍ରୀ ମଜହର ବେଗ ଯୁବମାନଙ୍କୁ ଖେଳ ମାଧ୍ୟମରେ ଜୀବନରେ ଆଗେଇଯିବାକୁ ଆହ୍ୱାନ ଜଣାଇଥିଲେ। ଏହି ଅବସରରେ ମାନବ ସମ୍ପଦ, ଶ୍ରମ ସମ୍ପର୍କ ବିଭାଗର ମୁଖ୍ୟ ଶ୍ରୀ ଦୀପକ ମହାନ୍ତି ସହ ସିଏସଆର ରିଫାଇନେରୀର ଅନ୍ୟାନ୍ୟ କର୍ମକର୍ତ୍ତାମାନେ ଉପସ୍ଥିତ ଥିଲେ।କାର୍ଯ୍ୟକ୍ରମର ଗରିମାକୁ ବଢ଼ାଇବା ପାଇଁ ଲୋକପ୍ରତିନିଧି ଶ୍ରୀ ଡଉଳ ରତ୍ନ ଚୌଧୁରୀ, ଶ୍ରୀ ରାଜେନ୍ଦ୍ର ଦୁରିଆ, ଶ୍ରୀ ନୀଳକଣ୍ଠ ଝୋଡ଼ିଆ, ଶ୍ରୀ ବିଦ୍ୟା ରତ୍ନ ଚୌଧୁରୀ ସହ ଅନେକ ସମୁଦାୟ ସଦସ୍ୟଙ୍କ ଉପସ୍ଥିତି ଯୁବମାନଙ୍କ ଉତ୍ସାହକୁ ଦୁଇଗୁଣା କରିଦେଇଥିଲା।ଏହି ଅବସରରେ ଶ୍ରୀ ମଜହର ବେଗ କହିଥିଲେ,“କ୍ରୀଡା ଯୁବମାନଙ୍କୁ କେବଳ ଖେଳିବା ଶିଖାଏ ନୁହେଁ, ଜୀବନ ଜିତିବାର ପାଠ ମଧ୍ୟ ପଢ଼ାଏ। ଗ୍ରାମାଞ୍ଚଳର ଯୁବ ପ୍ରତିଭାକୁ ଆଗକୁ ଆଣିବା ଏବଂ ସମୁଦାୟକୁ ଏକତ୍ର କରିବା ଆମର ଦାୟିତ୍ୱ। ଏଭଳି ମୂଲ୍ୟବୋଧପୂର୍ଣ୍ଣ କାର୍ଯ୍ୟକ୍ରମକୁ ସମର୍ଥନ କରିବାରେ ଆମେ ଗର୍ବିତ।”ଏହି ଭଲିବଲ୍ ଟୁର୍ଣ୍ଣାମେଣ୍ଟ ନୂଆସାହିରେ କେବଳ ଏକ ଖେଳ ନୁହେଁ,ଏହା ଥିଲା ଯୁବ ସ୍ୱପ୍ନ, ସ୍ୱାସ୍ଥ୍ୟକର ଜୀବନଶୈଳୀ ଓ ସମୁଦାୟ ବିକାଶର ଏକ ସୁନ୍ଦର ଉତ୍ସବ।
