admin
ରାୟଗଡ଼ା: ମକର ସଂକ୍ରାନ୍ତିର ପବିତ୍ର ଅବସରରେ ରାୟଗଡ଼ା ବିଧାନସଭା ନିର୍ବାଚନ କ୍ଷେତ୍ରରେ ଏକ ବିଶାଳ ବସ୍ତ୍ର ବଣ୍ଟନ କାର୍ଯ୍ୟକ୍ରମ ଆୟୋଜିତ ହୋଇଯାଇଛି। ରାୟଗଡ଼ାର ବିଧାୟକ ଆପଲ ସ୍ଵାମୀ କାଡ୍ରାକା ପ୍ରାୟ ୧୫ ବର୍ଷ ଧରି ଅବିରତ ଭାବେ ଚାଲୁଥିବା ତାଙ୍କର ମାନବିକ ସେବା ପରମ୍ପରାକୁ ଏହି ବର୍ଷ ମଧ୍ୟ ଜାରି ରଖିଛନ୍ତି।ଏହି କାର୍ଯ୍ୟକ୍ରମରେ ମୁଖ୍ୟ ଅତିଥି ଭାବେ କୋରାପୁଟ ଲୋକସଭା ସାଂସଦ ସପ୍ତଗିରି ଶଙ୍କର ଉଲୁକା ଉପସ୍ଥିତ ରହି ନିରୀହ, ଗରୀବ ଓ ଆଦିବାସୀ ମହିଳା ବୃଦ୍ଧାମାନଙ୍କୁ ନୂତନ ଶାଢ଼ୀ ବଣ୍ଟନ କରିଥିଲେ।
ସୂଚନା ଅନୁସାରେ, ଏହି ବସ୍ତ୍ର ବଣ୍ଟନ କାର୍ଯ୍ୟକ୍ରମରେ ୪୦୦ରୁ ଅଧିକ ମହିଳାଙ୍କୁ ନୂତନ ଶାଢ଼ୀ ଏବଂ ୧୫୦ରୁ ଅଧିକ ପୁରୁଷଙ୍କୁ ନୂତନ ବସ୍ତ୍ର ପ୍ରଦାନ କରାଯାଇଥିଲା। ନୂତନ ବସ୍ତ୍ର ପାଇ ଲାଭାନ୍ୱିତମାନଙ୍କ ମୁହଁରେ ଖୁସିର ଝଲକ ସ୍ପଷ୍ଟ ଭାବେ ଦେଖିବାକୁ ମିଳିଥିଲା।
ଅନ୍ୟମାନଙ୍କ ମୁହଁରେ ହସ ଫୁଟାଇବାକୁ ନିଜର ସର୍ବୋଚ୍ଚ ଆନନ୍ଦ ବୋଲି ଭାବି, ସେବା ଓ ସହାନୁଭୂତିକୁ ଜୀବନର ମୂଳ ମନ୍ତ୍ର କରି ବିଧାୟକ ଆପଲ ସ୍ଵାମୀ କାଡ୍ରାକା ଦୀର୍ଘ ୧୫ ବର୍ଷ ଧରି ଗରୀବ ଓ ପଛୁଆ ବର୍ଗର ଲୋକମାନଙ୍କ ପାଇଁ ଏହି ପରମ୍ପରାକୁ ଅଟୁଟ ରଖିଆସୁଛନ୍ତି।ଏହି ମାନବିକ ପଦକ୍ଷେପକୁ ନେଇ ସ୍ଥାନୀୟ ଲୋକମାନଙ୍କ ମଧ୍ୟରେ ବେଶ ପ୍ରଶଂସା ଓ ସନ୍ତୋଷ ପ୍ରକାଶ ପାଇଛି।
