admin
ଥେରୁବାଲି: ଇଂମ୍ଫା ଥେରୁବାଲି ରେ ୭୭ ତମ ସାଧାରଣତନ୍ତ୍ର ଦିବସ ଗର୍ବ, ଗମ୍ଭୀରତା ଓ ଦେଶଭକ୍ତିର ଉତ୍ସାହ ସହ ସମ୍ମାନରେ ପାଳନ କରାଯାଇଛି । ଏହି କାର୍ଯ୍ୟକ୍ରମଟି ୟୁନିଟ୍ ହେଡ୍ ଓ EIC, ଥେରୁବାଲି ଶ୍ରୀ ଜି.ଭି ରାକେଶ ଙ୍କ ନେତୃତ୍ୱରେ ଆୟୋଜିତ ହୋଇଥିଲା। ଶ୍ରୀ ଜି.ଭି ରାକେଶ ଜାତୀୟ ପତାକାକୁ ଉତ୍ତୋଳନ କରିଥିଲେ ଓ ଜାତୀୟ ସଙ୍ଗୀତ ସହ କାର୍ଯ୍ୟକ୍ରମଟି ଆଗକୁ ବଢ଼ିଥିଲା ସମସ୍ତଙ୍କୁ ସମ୍ବୋଧିତ କରି ତାଙ୍କର ଅଭିଭାଷଣ ରଖିଥିଲେ ସେ କହିଥିଲେ ଯେ ଆଜି ର ଏହି ପବିତ୍ର ଦିନ ରେ ଅମ୍ବେ ସମସ୍ତେ ପ୍ରତ୍ୟେକ କର୍ମଚାରୀ ନିଜସ୍ୱ ଉନ୍ନତି ସହିତ କାରଖାନା ବିକାଶ ଓ ସାମୂହିକ ପ୍ରଗତି ଓ ସୁରକ୍ଷା ପ୍ରତି ମଧ୍ୟ ଗୁରୁତ୍ୱ ଦେବାପାଇଁ ଆହ୍ୱାନ ଦେଇଥିଲେ |
ସେ କର୍ମଚାରୀମାନଙ୍କୁ ସଂବିଧାନିକ ମୂଲ୍ୟବୋଧ, ଶିଷ୍ଟାଚାର, ଦଳୀୟ କାର୍ଯ୍ୟ, ଓ ଦେଶପ୍ରତି ଦୃଢ଼ ଦାୟିତ୍ୱବୋଧ କୁ ଆହୁରି ମଜ଼ବୂତ ରଖିବାକୁ ଉପଦେଶ ଦେଇଥିଲେ, ଯାହା ସମସ୍ତଙ୍କ ମଧ୍ୟରେ ଏକତା, ସମ୍ମାନ ଓ ଗର୍ବର ଭାବନା ସୃଷ୍ଟି କରିଥିଲା। ସମସ୍ତ ବିଭାଗର ବରିଷ୍ଠ ଅଧିକାରୀ, କର୍ମଚାରୀ ଓ ଇଂମ୍ଫା ଲେଡିଜ୍ କ୍ଲବର ସଦସ୍ୟମାନେ କାର୍ଯ୍ୟକ୍ରମରେ ଉପସ୍ଥିତ ରହି ଅବସରକୁ ଅଧିକ ଗରିମାମୟ ଓ ଉତ୍ସାହଜନକ କରିଥିଲେ।
କାର୍ଯ୍ୟକ୍ରମଟିକୁ ଶ୍ରୀ କ୍ଷିତିଶ ଚନ୍ଦ୍ର ମହାପାତ୍ର, ଉପ ସାଧାରଣ ମହା ପ୍ରଭନ୍ଧକ (ପ୍ରଶାସନ ଓ ମାନବ ସମ୍ବଳ),ଥେରୁବାଲି ସଫଳତାର ସହିତ ସଂଚାଳନା କରିଥିଲେ ଏବଂ ସେ ତାଙ୍କର ଅଭିଭାଷଣ ଜ୍ଞାପନ କରି ସମସ୍ତ ଅତିଥି, ଅଂଶଗ୍ରହଣକାରୀ ଓ ଆୟୋଜକମାନଙ୍କୁ ହୃଦୟପୂର୍ଣ୍ଣ କୃତଜ୍ଞତା ଜଣାଇଥିଲେ।
କାର୍ଯ୍ୟକ୍ରମଟି ଜାତିଗଠନ, ଔଦ୍ୟୋଗିକ ଉତ୍କର୍ଷ ଓ ସସ୍ଥାୟୀ ବିକାଶ ପାଇଁ ଇଂମ୍ଫା ଥେରୁବାଲିର ନୂତନ ପ୍ରତିବଦ୍ଧତା ସହ ସମାପ୍ତ ହୋଇଥିଲା।
