admin
WhatsApp ମାଧ୍ୟମରେ ସାଇବର ଠକମାନଙ୍କର ଏକ ନୂଆ ଚାଳ ଏବେ ଜୋରଦାର ଭାବରେ ଘୁରିବୁଲୁଛି। ଅଜଣା ନମ୍ବରରୁ ଆସୁଥିବା ଫେକ୍ ମେସେଜ୍, ଲୋଭନୀୟ ଅଫର, ଚାକିରି ସୁଯୋଗ, କେୱାଇସି ଅପଡେଟ୍, ଏସ୍ବିଆଇ ଆପ୍ ଓ ଆର୍ଟିଓ ଆପ୍ର ନାମରେ ଲିଙ୍କ୍ ପଠାଇ ସାଧାରଣ ଲୋକମାନଙ୍କୁ ଠକେଇର ଶିକାର କରାଯାଉଛି।ଠକମାନେ WhatsApp ମେସେଜ୍ ମାଧ୍ୟମରେ ଲିଙ୍କ୍ରେ କ୍ଲିକ୍ କରିବାକୁ ପ୍ରଲୋଭନ ଦେଉଥିବା ବେଳେ, କିଛି ଘଟଣାରେ ଭିଡିଓ କଲ୍ କରି OTP ମାଗି ଲୋକମାନଙ୍କ ବ୍ୟାଙ୍କ ଖାତାରୁ ଟଙ୍କା ହଡ଼ପ କରାଯାଉଛି।ଏପରି ସାଇବର ଠକେଇ ମାମଲା ଦିନକୁ ଦିନ ବଢ଼ୁଥିବାରୁ ପୋଲିସ ଓ ସାଇବର ସେଲ୍ ପକ୍ଷରୁ ସାଧାରଣ ଜନତାଙ୍କୁ ବାରମ୍ବାର ସତର୍କ ରହିବାକୁ ଅନୁରୋଧ କରାଯାଉଛି। ତଥାପି ଅନେକ ଲୋକ ପ୍ରଲୋଭନରେ ପଡ଼ି ବ୍ୟାଙ୍କ ଖାତାରୁ ଟଙ୍କା ହରାଉଛନ୍ତି।
ପୋଲିସ ସୂଚନା ଅନୁସାରେ, କୌଣସି ଅଜଣା ଲିଙ୍କ୍ରେ କ୍ଲିକ୍ କରିବାରୁ ବିରତ ରହିବା ସହ ଫୋନ୍ରେ OTP କିମ୍ବା ବ୍ୟାଙ୍କ ସମ୍ପର୍କିତ ସୂଚନା କାହାକୁ ମଧ୍ୟ ଦେବା ଉଚିତ୍ ନୁହେଁ। ଯଦି କେହି ସାଇବର ଠକେଇର ଶିକାର ହୁଅନ୍ତି, ତେବେ ସେମାନେ ତୁରନ୍ତ ନିକଟସ୍ଥ ଥାନା କିମ୍ବା ସାଇବର ସେଲ୍ରେ ଅଭିଯୋଗ କରିବାକୁ ପୋଲିସ ପକ୍ଷରୁ ପରାମର୍ଶ ଦିଆଯାଇଛି।
