admin
ରାୟଗଡ଼ା ବଜରଙ୍ଗ ଦଳ, ଅବଦୁଲ୍ କଲାମ୍ ଫାଉଣ୍ଡେସନ୍ ଓ ରାୟଗଡ଼ା ସି.ଆର୍.ପି.ଏଫ୍ ୪ର୍ଥ ବାଟାଲିୟନ୍ ର ମିଳିତ ଅନୁକୂଲ୍ୟରେ ନଗର ସ୍ଥିତ ସି.ଆର୍.ପି.ଏଫ୍ କ୍ୟାମ୍ପ ପରିସରରେ ବୀର ସହିଦ ଜବାନମାନଙ୍କ ସ୍ମୃତିରେ ଏକ ସ୍ଵେଛାକୃତ ରକ୍ତଦାନ ଶିବିର ଆୟୋଜନ କରାଯାଇଥିଲା।୨୦୧୯ ମସିହା ଫେବୃଆରୀ ୧୪ ତାରିଖରେ ପୁଲବାମା ଠାରେ ଘଟିଥିବା ଆତଙ୍କବାଦୀ ଆକ୍ରମଣରେ ଦେଶ ପାଇଁ ଜୀବନ ବଳିଦାନ ଦେଇଥିବା ବୀର ସହିଦ ଜବାନମାନଙ୍କୁ ଏହି ଅବସରରେ ଗଭୀର ଶ୍ରଦ୍ଧାଞ୍ଜଳି ଜଣାଇଯାଇଥିଲା।
ଏହି ରକ୍ତଦାନ ଶିବିରରେ ୪ଥ ବ୍ୟାଟାଲିଅନ୍ର ଜବାନମାନେ ଓ ସାଧାରଣ ଲୋକ ଉତ୍ସାହର ସହିତ ଭାଗ ନେଇ ସହିଦ ଜବାନମାନଙ୍କ ବଳିଦାନକୁ ସ୍ମରଣ କରିଥିଲେ। ସହିଦମାନଙ୍କ ଅପୂର୍ବ ବଳିଦାନକୁ ସ୍ମରଣ କରି ମାନବ ସେବା ଓ ସମାଜ ସେବାର ଉଦ୍ଦେଶ୍ୟରେ ଏହି କାର୍ଯ୍ୟକ୍ରମ ଆୟୋଜନ କରାଯାଇଥିଲା।
ଶିବିରରେ ସମୁଦାୟ ୬୦ ୟୁନିଟ୍ ରକ୍ତ ସଂଗ୍ରହ ହୋଇଥିଲା, ଯାହା ଆବଶ୍ୟକତାରେ ଥିବା ରୋଗୀମାନଙ୍କ ପାଇଁ ଉପକାରୀ ହେବ। କାର୍ଯ୍ୟକ୍ରମ ସମୟରେ ରକ୍ତଦାନକୁ ସର୍ବୋତ୍ତମ ଦାନ ବୋଲି ବର୍ଣ୍ଣନା କରାଯାଇଥିଲା ଏବଂ ଏହା ମାଧ୍ୟମରେ ଅନେକ ଜୀବନ ବଞ୍ଚାଇ ପାରିବ ବୋଲି ସଚେତନତା ସୃଷ୍ଟି କରାଯାଇଥିଲା। ଯୁବ ସମାଜକୁ ସମାଜ ସେବା କାର୍ଯ୍ୟରେ ସକ୍ରିୟ ଭାଗ ନେବା ପାଇଁ ଆହ୍ୱାନ ମଧ୍ୟ ଜଣାଇଯାଇଥିଲା।ଏହି ଶିବିରକୁ ସଫଳ କରିବାରେ- କମାଣ୍ଡାଣ୍ଟ ଶ୍ରୀ ଫିରୋଜ କୁଜୁର ,ସେକେଣ୍ଡ ଇନ୍ କମାଣ୍ଡ ଶ୍ରୀ ପ୍ରଭାକର ଉପାଧ୍ୟାୟ ,ଶ୍ରୀ ସଞ୍ଜୟ କୁମାର ରାଉତ, ଉପ କମାଣ୍ଡାଣ୍ଟ ଶ୍ରୀ ମୁକେଶ ସିଂହ , ଜ୍ୟେଷ୍ଠ ଚିକିତ୍ସା ଅଧିକାରୀ ଶ୍ରୀ ଚନ୍ଦ୍ର ଶେଖର ପଟେଲ,ଅବଦୁଲ କଲାମ ପୋୖଣ୍ଡସନ ବି ରାଜେଶ , ବିଶ୍ୱହିନ୍ଦୁ ପରିଷଧ ପ୍ରାନ୍ତ ଉପ ସଭାପତି ପ୍ରଫୁଲ ପାତ୍ର, ବିଶ୍ୱହିନ୍ଦୁ ପରିଷଦ ସଭାପତି ଡ଼. ବାବୁରାଓ ମହାନ୍ତି, ଉପ ସଭାପତି ଆନନ୍ଦ ରାଓ, ସମ୍ପାଦକ କୁନା ରମେଶ, ସହ ସମ୍ପାଦକ ଗୋପୀନାଥ ବ୍ରହ୍ମା ,ବଜରଙ୍ଗ ଦଳ ଜିଲ୍ଲା ସହ ସଂଯୋଜକ ଶସ୍ୟଜ୍ୟୋତି ବେହେରା ସଂଗଠନର କର୍ମକର୍ତ୍ତା ଓ ସ୍ୱେଚ୍ଛାସେବୀମାନେ କାର୍ଯ୍ୟକ୍ରମକୁ ସଫଳ କରିବାରେ ସକ୍ରିୟ ଭୂମିକା ଗ୍ରହଣ କରିଥିଲେ ।
